.bmp)
Tamil Language
Explore how Tamil is taught at Sembawang Secondary, from varied curricula to student-centred learning and enrichment activities that celebrate language and culture.
Tamil Language
தாய்மொழிகள் துறை
தமிழ்ப்பிரிவு
எங்கள் குறிக்கோள் / தொலைநோக்கு
நமது பண்பாட்டை நேசிப்பதோடு மற்றவர் பண்பாடுகளையும் போற்றுதல்.
பாடத்திட்டம்
பாட அடிப்படையிலான வகைப்படுத்தல் (SBB) - G1, G2, G3
நமது செம்பாவாங் உயர்நிலைப்பள்ளியைச் சேர்ந்த மாணவர்களுக்குத் தமிழ் வகுப்புகள் பள்ளி நேரத்திலேயே நடைபெறும். பள்ளியின் மற்ற நடவடிக்கைகளிலும், இணைப்பாட நடவடிக்கைகளிலும் அவர்களால் பங்குபெற முடியும். பள்ளியிலேயே ஆசிரியர்களின் ஆலோசனைகளையும் உதவிகளையும் பெற இயலும்.
கற்பித்தல் முறைகள்
பள்ளியில் மாணவர்களை மையமாகக்கொண்ட கற்பித்தல் முறை பின்பற்றப்படுகிறது. கூகுல் வகுப்பறை, மாணவர் கற்றல்தளம், போன்ற பல இணையப்பக்கங்களின் உதவியுடன் சுயமாகவும், மற்ற மாணவர்களுடன் இணைந்தும் கற்கும் வாய்ப்புகள் மாணவர்களுக்கு ஏற்படுத்தித் தரப்படுகின்றன. மேலும் மாணவர்களின் பல்வேறு கற்றல் திறன்களைக் கருத்தில் கொண்டு வேறுபடுத்தப்பட்ட கற்பித்தல் நடவடிக்கைகள் பின்பற்றப்படுகின்றன. மாணவர்கள் மகிழ்வூட்டும் கற்றலில் ஈடுபடுகிறார்கள்.
சிறப்பு நடவடிக்கைகள்
எங்கள் தமிழ்த்துறை, மாணவர்களின் மொழித்திறனை மேம்படுத்தவும், பண்பாட்டுச் சிறப்புகளை அறியவும் பல்வேறு கற்றல் நடவடிக்கைகளை வழங்குகிறது. மாணவர்கள் தமிழ் மொழியில் புலமை பெறவும், பண்பாட்டுச் சிறப்புகளை உணர்ந்து மதிக்கவும் தமிழ்த்துறை சிறந்த கற்றல் சூழலை வழங்குகிறது. மாணவர்களின் திறனுக்கேற்ப அமைக்கப்படும் சுவாரசியமான கற்றல் நடவடிக்கைகள், அவர்களின் மொழித்திறனை வளர்ப்பதோடு, தன்னம்பிக்கையும் சுயமாகக் கற்கும் ஆற்றலும் கொண்ட வாழ்நாள் கற்றாலராக அவர்களை உருவாக்குகிறது.
மாணவர்களுக்கான கற்றல் பயணம்
பள்ளியிலும், பள்ளிக்கு அப்பாலும் நடைபெறும் பல்வேறு போட்டிகளில் பங்கெடுப்பதற்கான திறன் மேம்பாட்டு நடவடிக்கைகள்.
தாய்மொழி இருவார விழா. இந்த இருவார நிகழ்ச்சியின்போது பல்வேறு மொழி, கலாச்சார நடவடிக்கைகளில் மாணவர்கள் ஈடுபடுவார்கள்.
மாணவர்களின் வாசிப்புத் திறனை மேம்படுத்தும் நடவடிக்கைகள்
தாய்மொழி இருவார விழா
ஒவ்வொரு வருடமும் பள்ளியில் நடைபெறும் தாய்மொழி இருவார விழாவில் தமிழ்ப் பண்பாடு மற்றும் கலாச்சாரம் தொடர்பான பல நடவடிக்கைகள் இடம்பெறும். மாணவர்கள் இந்நடவடிக்கைகளில் ஆர்வமுடன் கலந்துகொள்வதுடன் தமிழ் கலாச்சாரம், பண்பாடு பற்றிய பல தகவல்களையும் அறிந்து கொள்கின்றனர்.
வாசிப்புத் திட்டம் (Reading Programme)
மாணவர்களிடையே வாசிக்கும் பழக்கத்தை ஊக்கப்படுத்த எங்கள் தமிழ்த்துறை பல முனைப்புகளை மேற்கொள்கிறது.
வாசிப்புக் கழகம் & ஒலிப்புத்தகங்கள் (Reading Club & Audiobooks):
சிறந்த வாசிப்புத் திறன் கொண்ட மாணவர்கள் தேர்ந்தெடுக்கப்பட்ட கதைப் புத்தகங்களை வாசித்து, 'ஒலிப்புத்தகங்களை' (Audiobooks) உருவாக்குகின்றனர். இவை பிற மாணவர்களின் வாசிப்புத் திறனை மேம்படுத்த உதவுகின்றன.
எங்கள் மாணவர்களின் படைப்புகளைக் கேட்டு மகிழ, பின்வரும் இணைப்பை வருடவும்.
சிறந்த கட்டுரைகளின் தொகுப்பு (Student Essay Compilation):
மாணவர்கள் ஆண்டு முழுவதும் எழுதிய சிறந்த தமிழ்க் கட்டுரைகளைத் திரட்டி சிறப்புக் கட்டுரைத் தொகுப்பாக வெளியிடுகிறோம். இது பிற மாணவர்களின் ஆர்வத்தைத் தூண்டி, அவர்களின் எழுத்தாற்றலை மேம்படுத்த பெருந்துணையாக உள்ளது.
புத்தகத் திருவிழா (Book Sale):
உலக புத்தகத் தினத்தை முன்னிட்டு (World Book Day), மாணவர்கள் புதிய தமிழ் நூல்களை வாங்கி வாசிக்கும் ஆர்வத்தைப் பெருக்க, பள்ளியில் தமிழ்ப் புத்தக விற்பனையும் ஏற்பாடு செய்யப்படுகிறது.
மாணவர் திறன் மேம்பாட்டுத் திட்டம் (Talent Development)
தமிழ் மொழியில் சிறந்த திறனுடைய மாணவர்களை அடையாளம் கண்டு, அவர்களின் ஆற்றலை வளர்க்க சிறுகதை மற்றும் கவிதை எழுதும் பயிலரங்குகள் நடத்தப்படுகின்றன. மேலும், 'நானும் ஒரு படைப்பாளி', கம்பன் விழா வினாடி-வினா போன்ற வட்டார மற்றும் தேசிய அளவிலான போட்டிகளில் பங்கேற்பதன் மூலம் மாணவர்கள் தங்கள் தன்னம்பிக்கையை வளர்த்துக்கொள்வதோடு, பிற பள்ளி மாணவர்களிடமிருந்து கற்றுக்கொள்ளவும் நல்வாய்ப்பைப் பெறுகின்றனர். மேலும், எங்கள் மாணவர்கள் தீபாவளிக் கொண்டாட்டம் போன்ற பல்வேறு நடவடிக்கைகளில் பங்கேற்று, கலைநிகழ்ச்சிகள் மூலம் தங்களின் திறமைகளை வெளிப்படுத்துகின்றனர்.
கலைகளைப் போற்றுவோம் (Art appreciation Programme)
அடுக்கு வீட்டு அண்ணாசாமி' வெறும் நகைச்சுவை நாடகம் மட்டுமல்ல. இது சிங்கப்பூரின் கடந்த காலத்தையும், சமுதாய உணர்வையும், இன்றைய காலத்திற்கு ஏற்ற பண்பாடுகளையும் நினைவூட்டும் ஒரு பண்பாட்டுப் பயணமாகும். 1970-களின் பின்னணியையும் மொழியையும் மாறாமல் பாதுகாத்து, இன்றைய இளைய தலைமுறையைக் கவரும் வகையில் இரண்டு அல்லது மூன்று நாடகங்கள் ஒன்றாக இணக்கப்பட்டு இங்கு மேடைஏற்றப்படுகின்றன. உரையாடல்களில் உள்ள நகைச்சுவையும் நயமான தமிழ் சொற்களும் மாணவர்களுக்குத் தமிழ் மொழியின் வளமையை உணரச் செய்யும்
நகைச்சுவை நாடகத்தைப் பார்க்க ஒரு கலைப்பயணம்
தமிழ் ஆசிரியர்கள்
Mdm Kirubakaram
Ms Mohgana Thiagarajan
Mdm Moganah Venugopal
Mdm Saheera